Valve şirkəti SteamOS üzərində çalışan oyun sistemləri xəttinin yeni nəslini elan edib. Bu xəttə yeni Steam Machine, Steam Frame adlı VR başlığı və Steam Controller daxildir.

Qeyd olunur ki, hər iki yeni oyun cihazı Wayland istifadə edən KDE Plasma iş masası ilə Arch Linux əsaslı SteamOS-da çalışır. Bu səbəbdən Steam Frame tam funksional Linux əməliyyat sistemi üzərində işləyən ilk əsas axın (mainstream) VR başlığı olacaq.

Steam Machine AMD-nin “yarım-fərdiləşdirilmiş” CPU və GPU-larına əsaslanır, 16 GB DDR5 RAM və 8 GB GDDR6 video yaddaşa malikdir.

Steam Frame Snapdragon 8 Gen 3 üzərində qurulub və 16 GB birləşdirilmiş LPDDRX5 yaddaş ilə təchiz olunub.

Yeni məhsulların qiyməti açıqlanmır, bazara 2026-cı ilin əvvəlində çıxacağı bildirilir.